Поминаа точно 27 години откако за првпат започна да се прикажува хит-серијата „Пријатели“.
Вчера беше годишнината од емитувањето на првата епизода од телевизиското шоу за дружбите на педантната Моника (Кортни Кокс), ексцентричната Фиби (Лиза Кудроу), разгалената Рејчел (Џенифер Анистон), хумористичниот Чендлер (Метју Пери), шармантниот Џои (Мет Лебланк) и сезнајкото Рос (Дејвид Швимер).
„Пријатели“ неспорно е една од најпопуларните ТВ серии која цела деценија ја забавуваше публиката пред малите екрани.
Се прашувате колкаво е богатството на секој од актерите? Еве го одговорот:
1. Џенифер Анистон
„Рејчел“ на својата банкарска сметка има околу 300 милиони долари. Во изминативе години, Анистон најмногу заработила од „The Morning Show“, и од нејзините соработки со брендови како Diet Coke, Microsoft и Emirates Airlines.
2. Кортни Кокс
57-годишната актерка, која се прослави со улогата на „Моника Гелер“, има заработка од 150 милиони долари. Нејзиното богатство дополнително се зголеми со улогата во серијата „Cougar Town“ и во франшизата „Scream“.
3. Метју Пери
Трет по заработената сума е „Чендлер“ кој има 120 милиони долари. Според податоците, неговото богатство е резултат на инвестиции во недвижности.
4. Дејвид Швимер
Иако најголемиот дел од заработката на „Рос“ се должи на „Пријатели“, тој заработил значително и од инвестиции, како и од улогата во „The People v. O.J. Simpson“. Неговото богатство се проценува на 100 милиони долари.
5. Лиза Кудроу
58-годишната актерка, која го портретираше ликот на „Фиби“, низ годините заработила 90 милиони долари. Покрај „Пријатели“, нејзин успех се и проектите како „Baby Boss“, „Booksmart“ и нејзиното шоу „Web Therapy“.
6. Мет Лебланк
По завршувањето на „Пријатели“, 54-годишниот актер продолжи да заработува од серијата „Џои“, а добра плата му донесоа и улогите во „Man with a Plan“ и „Top Gear“. Неговото богатство е проценето на 80 милиони долари.