Ед Вествик ја избра Грција за одмор летово. Популарниот актер, познат по улогата на Чак Бас во „Gossip Girl“, уживаше кај нашиот јужен сосед со сопругата Ејми Џексон и двете деца.
Среќното семејство ги истражуваше убавините на Крф и сподели мигови од идиличната авантура.
„Нашиот прв одмор како четиричлено семејство. Прсти со песок, солени бакнежи и нула спиење.... не би сакале да е поинаку“ – напишаа тие на Instagram-албумот од одморот.
33-годишната убавица сподели и дека грчките зајдисонца се посебни. „Сум била насекаде низ светот, но ништо не е како зајдисонце во Грција. Има нешто посебно во нив. Пресреќна сум што сум тука во овој момент со најдобрите момци кои ги познавам“ – објави таа.
Парот се насладуваше на летните авантури со синчето Оскар Александар, кое го добија во март и нејзиниот 6-годишен син од претходен брак.
Ед и Ејми се заедно од 2021 година.
