Елена Ристеска е горда на добиените признанија. Македонската пејачка сподели дека се закити со награда за „Личност на годината во светот на поп музиката“ на манифестација во Србија.
На настанот во Сокобања, Елена носеше црно-бел мини сако-фустан.
„Вчера бев прогласена за „Личност на годината во светот на поп музиката” и се закитив со уште една статуетка или награда како една од 7те жени наградени од разни области во Сокобања, Србија.“
„Уште една награда на моите полици дома меѓутоа уште една сатисфакција и спомен во моето срце и уште едно признание за овие 19 години музичка кариера. За жал, во мојата земја сè помалку постојат меродавни манифестации за успесите на јавните личности. Како и да е, сите награди ми се значајни особено оние кои доаѓаат од странство , тоа е знак дека добро ја претставувам својата земја Македонија насекаде во светот“ – напиша таа во описот на фотографиите.
Ристеска беше придружувана од сестра си Драгица.
Минатиот месец, Елена беше наградена на фестивалот „Best of Rumeli“ во Истанбул, Турција. Таа ја доби титулата „Најдобар претставник на македонската култура во светот“.