Џенифер Лопез со најсаканите го прослави 49-тиот роденден, а со фотографиите од веселбата уште еднаш ги потсети фановите дека со секоја изминатата година од животот изгледа сè поубаво и поубаво.
На интимната забава присуствуваа нејзините близначиња Алекс и Еми, нејзиниот сакан Алекс Родригез со неговите ќерки Наташа и Ела, нејзиниот менаџер Бени Медина и блиски пријатели.
Лопез блескаше во зелен краток фустан од брендот Retrofête, а на раката носеше голем прстен од Cartier со кој поттикна гласини за свршувачка.
Славната актерка и пејачка сподели фотографии од прославата на Бахами и порака со која им се заблагодари на сите обожаватели за убавите пораки, колажи и видеа, како и за поддршката која ја добивала во текот на кариерата.
„Денот и ноќта беа исполнети со многу смеа, солзи и се разбира, со танцување. Сакав да ви пишам на сите, затоа што бев пресреќна и трогната од напливот на љубов и роденденски желби кои ми ги испративте вчера! Се почувствував неверојатно благословена што ве имам во животот... ви благодарам на сите кои склопивте роденденски колажи, видеа и испративте роденденски желби! Многу среќна девојка сум што имам толку лојални фанови и следбеници. Сакам да знаете дека никогаш не ве земам здраво за готово и дека сум бескрајно благодарна за сите вас! Се надевам дека секогаш ќе продолжам да ве забавувам и инспирирам и да споделувам со вас сè што имам научено на каков што можам начин. Искрено тоа е најголемиот роденденски подарок кој Бог ми го има дадено!“ – пишува таа.
Џеј Ло сподели и две фотографии на кои позира по бикини и примами море од комплименти за одржаното тело.