Додека ужива во третата бременост, војвотката Кетрин не ги прескокнува кралските должности. Сопругата на принцот Вилијам денес го посети бесплатното училиште „Reach Academy“.
За првата појава во јавност во новата година, Кетрин избра сина комбинација, која вклучуваше цветен фустан и палто од брендот Hobbs.
Настанот беше организиран од хуманитарната организација „Place2Be“, која цели да им обезбеди на децата најдобар почеток во животот, а со која Кетрин соработува од 2013 година.
Кетрин и Вилијам се очекува да го добијат третото дете во април.
