Нина Агдал и Логан Пол си го кажаа судбоносното „Да“ покрај Езерото Комо во Италија.
Поранешната девојка на Леонардо Дикаприо и славниот јутјубер и професионален борач изгледаа елегантно на нивниот голем ден, на кој присуствуваше и нивната ќеркичка Есме.
За церемонијата, 33-годишната манекенка шармираше во две венчаници од дизајнерката Галија Лахав направени специјално за неа, а облече и фустани од брендовите Splendid и Noblesse.
Галија дизајнираше и слатко фустанче за 11-месечната Есме.
„Најдобриот викенд во мојот живот. Се надевам дека никогаш нема да помине ова чувство. Создавањето незаборавни и вечни спомени со луѓето кои најмногу ги сакаш е навистина најголемиот благослов кој човек може да го доживее.“
„Оваа свадба беше совршен почеток на остатокот од нашиот живот, Нина. Премногу ве сакам со нашата прекрасна ќеркичка Есме. Ајде да направиме уште бебиња“ – напиша Пол.
Нина и Логан се верија во јули 2023 година во Италија, а во септември минатата година се роди нивната ќерка.
Агдал беше во врска со Дикаприо околу една година, а се разделија во 2017 година.
