Анџелина Џоли однесе гламур и елеганција на синиот тепих на Critics' Choice Awards, што синоќа се одржа во Санта Моника.
42-годишната актерка и режисерка мамеше воздишки во бела креација со пердуви во горниот дел од Ралф и Русо. Својот стајлинг, холивудската убавица го комплетираше со обувки од Стјуарт Вајцман и накит од Нил Лејн.
Џоли позираше со својата пријателка Лун Ун, по чија книга е снимен „First They Killed My Father“ кој беше номиниран за Најдобар филм од неанглиско говорно подрачје.
Фустанот ги отскри големите тетоважи на Џоли. Тетоважите на грбот се будистички благослов за мир, љубов и просперитетен живот, додека тетоважите на левата рака ги опишуваат координатите на местата на раѓање на нејзините деца и на нејзиниот поранешен сопруг Бред Пит.
„First They Killed My Father“ е режиран од самата Џоли, а ја прикажува војната низ очите на дете, раскажувајќи ја вистинската приказна за животот и детството на Лун, која ги искуси на своја кожа негативните последици од војната во Камбоџа. Ун ги изгуби своите родители и двете сестри во војната.