Сузана Спасовска и во седмата деценија од животот зрачи со харизма, енергија и позитивност како од почетоците на нејзината кариера.
Познатата македонска пејачка наполни 61 година, а на својот Facebook профил се пошегува со годините на забавен начин, но не пропушти и да сподели дека се чувствува благословено.
Сузана објави неколку фотографии со роденденската торта и напиша:
Си велам, а да си ги сменеа местата овие две бројки?
16 наместо 61, хахахаааа... Ама, не, сепак вака си е најдобро. (единицата малку изгоре па заличи и на седмица, но има време до 7), а тортата ќе ја пробам на 28.08., ммммм...
Драги пријатели, секоја роденденска и именденска честитка, ми беше како светлина, што го разубави мојот ден. Се чувствувам благословена што толку многу луѓе со топли зборови, ми го израдуваа срцето и ми ја покажаа љубовта околу мене. Ви благодарам!
Слава ти Боже!
Сузана е една од нашите најпознати пејачки и од 80-тите години на XX век ја негува македонската песна. Нарекувана е „Сузе Национале“, „златното грло“, „славејот македонски“ и „наследничка на Васка Илиева“.
