Јулија Самојлова, која минатата година поради забрана за влез во Украина не ја престави Русија на Евровизија во Киев, доби втора шанса. 28-годишната руска пејачка оваа година ќе настапи на музичкиот натпревар во Лисабон со песната „I Won't Break“.
Слушнете ја песната и погледнете го спотот на девојката во инвалидска количка, која не дозволува хендикепот да ја спречи да си ги оствари соништата.
На Јулија не ѝ беше дозволено да влезе во Украина поради нејзината посета на Крим во 2015, територија која беше припоена кон Русија. Организаторите ѝ понудија на руската пејачка да учествува во натпреварот преку сателит, но таа ја одби понудата.
Самојлова е во инвалидска количка уште од своето детство, бидејќи поради ′рбетна мускулна атрофија таа ја има изгубено способноста да се движи. Во 2013 година, Јулија го освои второто место во шоуто „Фактор А“, руска верзија на „The X Factor“, а во 2014 година таа учествуваше во церемонијата на отворањето на Зимската Параолимпијада.
Потсетете се на песната со која Јулија требаше лани да настапи на евровизиската сцена.
