Вкупно еден милион „сваровски“ кристали ќе блескаат на ревијата на Victoria's Secret, која следната недела ќе се одржи во Шангај, Кина.
Најголем дел од нив ќе се најдат на костимот на Елза Хоск. „Змејската“ креација вклучува 275.000 разнобојни кристали и ја одбележува 15-годишната соработка на VS со брендот Swarovski.
„Многу е светол, забавен и поразличен од претходните години. Конструкцијата на аутфитот прави да се чувствуваш како да не си од овој свет... како да носиш оклоп од кристали. Изгледот е секси, но исто така и навистина кул и модерен“ - изјави Хоск за WWD.
