Во петок луѓето се преморени од напорната работна седмица и тешко можат да се опуштат, но во сабота, исполнети со енергија можат максимално да уживаат во задоволствата што ги нуди животот.
Саботата е најсреќниот ден во седмицата, а врвот на среќата се достигнува во 19:26 часот, вели ново британско истражување.
Сабота навечер е најсреќниот период од седмицата
Во сабота луѓето се свесни дека имаат уште еден ден за одмор пред почетокот на работната недела, па релаксирано можат да им се посветат на оние работи што ги прават среќни. Без разлика дали се подготвуваат за излегување, гледаат филм или поминуваат повеќе време со семејството, луѓето во сабота навечер се најопуштени и најсреќни.
Околу 70% од трите илјади учесници во истражувањето изјавиле дека правењето на планови за викендот е единственото нешто што им помага да издржат во текот на работната седмица, 60% признале дека живеат само за викендите, а 80% изјавиле дека ги бројат деновите и часовите до започнувањето на викендот.
Најголем дел од учесниците изјавиле дека воопшто не ги сакаат неделите и дека тогаш ги зафаќа лошо расположение затоа што знаат дека настапува работната седмица.
