Дебелината е еден од најголеми проблеми со кои се соочува населението во Америка. Па, не е воопшто чудно што најновото истражување покажало дека четвртина од луѓето би се откажале од милион долари за да имаат убаво тело.
„Убаво тело цел живот или лотарија со добивка од 1 000 000 долари?“ – тоа било прашањето кое им било поставено на 1000 Американци. Секој четврти одговорил дека повеќе би сакал да има тело од соништата отколку да биде богат.
25% од Американците би избрале убаво тело пред 1 000 000 долари
Но, Американците за витка линија не би се откажале само од пари, туку и од младешкиот изглед. Половина од испитаниците изјавиле дека претпочитаат да имаат тело со идеална тежина отколку да бидат 5 години помлади.
Истражувањето спроведено од Kelton Research дошло и до следните заклучоци:
- Четвртина од жените сакаат да имаат тело како на Џенифер Лопез или Хали Бери.
- Половина од мажите сакаат да го имаат телото на Метју Меконахи.
- Мишел Обама има најубави раце од славните жени, а Вин Дизел има најпривлечни раце од мажите.
- 50% од луѓето кога се здебелуваат имаат помалку енергија, а 25% се и под поголем стрес.
Проценето е дека во САД во моментов 66% од луѓето се со прекумерна телесна тежина, односно дебели.
