Пријателствата помеѓу малите деца и нивните миленичиња зрачат со искреност, радост и безусловна љубов, па токму затоа секогаш предизвикуваат топли емоции.
Колекцијата фотографии на Енди Прокх од Санкт Петербург, која ја овековечува веселата дружба на неговата ќерка и нејзината мачка, постепено си ја зголемува популарноста на интернет. Речиси никој не може да остане рамнодушен на креативните црно-бели фотографии кои доловуваат интересни моменти од игрите на малата Катерина и мачката Лили Блу Ројал Лада.
Енди и неговата сопруга ја примиле во својот дом мачката Лили две години пред да се роди Катерина. Како вљубеник во фотографирањето, тој започнал редовно да ги става пред својот објектив Катерина и Лили. „Живеат заедно цел живот. Сакам да ги фотографирам бидејќи ги сакам и двете, а отсекогаш сум верувал дека фотографот мора да го сака тоа што го фотографира“ – изјавил тој за My Modern Met.
Погледнете како Катерина и Лили решаваат заедно комплицирани математички проблеми, ја истражуваат вселената, уживаат во сликарството, играат шах или безгрижно ја покажуваат палавоста.
