Родители не можеле да поверуваат кога нивната трета ќеркичка се роди на истиот ден од годината како и нејзините две поголеми сестрички.
Џереми и Саури Тарнер ќе слават еден роденден за трите деца, бидејќи сите се родени на 3 септември во различни години.
„На седмо небо сум во моментов. Јас сум најсреќниот татко во Окала. Благословен сум со овие три преубави здрави девојчиња и многу сум среќен“ – рекол пресреќниот татко откако веста за неговото семејство се прошири низ светот.
Првата ќерка на парот Јасмин се роди во 2020 година, а една година подоцна на свет дојде и нејзината сестра Џесика.
Бебето Џулиет се роди оваа година и им донесе огромна среќа, но и огромно изненадување на родителите.
„Тоа беше чудо, 3 септември за нас е специјален ден. Беше како дежа ву. Бевме шокирани и изненадени што нашето трето дете сакаше да се роди на 3 септември како сестричките.“
„Славењето на нивните родендени ќе биде специјален ден за нас, бидејќи е за трите. Ќе правиме нешто големо, можеби ќе ги носиме во Дизниленд“ – рекол таткото.
