Љубовната приказна на Натали Кроу и Остин Татман освојува срца ширум светот. Од најдобри другари во детството, тие неодамна станаа брачни партнери кои допрва ќе пишуваат ново заедничко поглавје во своите животи.
Имено, Натали и Остин се запознале на 5-годишна возраст во градинка. Уште од првиот ден, тие биле неразделни и правеле сè заедно. Нивната поврзаност предизвикувала восхит кај најблиските и сите кои ги познавале.
Но, животот ги пратил на различни патишта. Натали со нејзините родители се преселила од Флорида во Конектикат и тие изгубиле секаков контакт.
Повеќе од една деценија подоцна, Натали се сетила на Остин и го побарала на социјалните мрежи, по што започнале да се допишуваат. Нивната повторна средба била 12 години по нивната разделба и по само неколку часа поминати во разговори, тие знаеле дека им е судено да бидат заедно.
„Откако поминавме малку време насамо, знаев дека Остин ми е сродна душа“ – вели Натали.
По неколкугодишна врска на далечина, Остин ја запроси Натали со помош на нејзиното семејство.
На свадбата, среќните младенци пресоздадоа слатка фотографија од детството.
