Фотографии од несекојдневен предлог за брак ќе ве разнежнат. На нив, 29-годишниот Грант Трибет ѝ предлага брак на својата сакана, а потоа повторно клекнува на колено и ја „запросува“ и нејзината мала ќеркичка.
„Адријана, може ли да ти бидам татко, да ти ветам дека ќе те сакам и ќе те штитам до крајот на твојот живот?“ – се зборовите со кои грижливиот маж бара дозвола од слатката Адријана да биде нејзин татко.
Девојчето без двоумење извикало: „ДА, конечно ќе имам татко, мама! Конечно добив татко!“.
„Кога ги изговори тие слатки зборови, јас повторно се расплакав. Моето срце не може да собере толку многу љубов“ – рекла идната невеста Касандра.
Грант ѝ подари на слатката поќерка ланче со приврзок во форма на срце.
Грант и Касандра се запознале преку Facebook пред околу седум месеци. „Како самохрана мајка, отсекогаш ми било кошмар состанувањето, бидејќи имам целосно старателство на мојата ќерка и малку време за себе“ – вели Касандра. „Сведок сум на тоа како еден атрактивен, шармантен ерген стана позитивен, грижлив и најнесебичен татко на моето мало девојче“ – додава таа.