Многу нови мајки го имаат истиот проблем – нивните бебиња плачат само што ќе ги стават во креветчето и сакаат постојано да бидат држени в раце.
Мајка сподели генијален трик кој може да помогне во таква ситуација. Сè што е потребно е ракавица и ориз.
Нејзиниот пост е споделуван илјадници пати, но додека најголем дел од коментарите се позитивни, има и негативни коментари, кои ѝ укажуваат на мајката дека спиењето на стомак и ставањето на меки нешта во креветчето го зголемува ризикот од СИДС (Синдром на ненадејна смрт на новороденче).
Еве го нејзиниот текст:
Ќерка ми се вика Анаја и има два месеци. Родена е 7 недели пред терминот за породување како предвремено родено бебе.
Имам и 16-месечно момче кое исто така беше родено предвреме и се вика Џеремаја. Ќерка ми има колики/грчеви, па е многу нервозна и сака да биде држена во раце постојано. Дојдовме до момент кога не можев да ја легнам повеќе од 10 минути без да се расплаче.
Го видов овој одличен трик и тој е НАЈДОБРОТО НЕШТО ШТО ДОСЕГА СУМ ГО НАПРАВИЛА! Таа сакаше да биде постојано држена, а сега можам да се одморам. Потребно е само ориз и ракавици и да ви кажам дека навистина функционира! Видов нешто слично на Pinterest.
Кога се сетив дека мајка ми чува ракавици во фиоката, отидов и зедов една, турив ориз во неа и ја врзав цврсто. Во моментот кога ја легнав и ѝ ја ставив ракавицата на грбот, таа престана да плаче. Тоа беше олеснување!
Се разбира дека сите имаат различно мислење за овој трик. На некои им се допаѓа, на други не, но секоја мајка го познава своето дете. Ќерка ми го обожава и е добро. Морав да го споделам, бидејќи знам колку е тешко да немаш одмор и ако можам да ѝ помогнам на некоја мајка, дефинитивно ќе го направам тоа!
На Facebook, Абигејл им возврати на сите кои ја критикуваат: „Моето бебе никогаш не спие со ќебиња околу неа или покрај прозорец, си има креветче за тоа. Ова беше само брза фотографија и таа беше надгледувана цело време. Знам дека сите сакаат да дадат мислење колку е несигурно ова. Слободно искажете си го мислењето, тоа е слобода на говор. Но, таа не ми е единственото дете! Знам сè за СИДС итн. двете мои деца се добро, па ви благодарам за загриженоста“.
Па, доколку одлучите да го пробате овој трик, добро е постојано да го надгледувате вашето бебенце или да се обидете да го легнете на грб, а ракавицата да му ја поставите во областа на пелената и мешето.
