Понекогаш, дури и најмалите гестови можат да променат нечиј ден.
Тини Дејвидсон е 88-годишна старица која 12 години расположуваше ученици мавтајќи им со насмевка од прозорецот додека тие одеа на училиште.
„Ме полнат со ентузијазам. Тие се прекрасни деца. Прават да се чувствувам многу добро. Мислам дека сум најсреќната дама на светот. Ми носат многу радост“ – изјавила таа пред неколку години.
Позитивната старица од 2007 година наваму ја одржуваше традицијата да ги поздрави тинејџерите кои минуваа пред нејзината куќа, но за жал, таа неодамна мораше да се пресели во дом за нега за стари лица.
Пред да замине, повеќе од 400 ученици се собраа во нејзиниот тревник за да ја поздрават за последен пат, а моментот беше овековечен со слатко видео.
