Слатко момче од Србија постави рекорд кој речиси е невозможно да биде срушен.
5-годишниот Огнен Живковиќ се искачи на највисокиот врв во Африка и го сруши светскиот рекорд како Најмлад освојувач на Килиманџаро.
Ова фасцинантно момче, заедно со татко му Зоран, успеа да се искачи на врвот на надморска височина од 5.895 метри за само 6 дена. Со помош на својата експедиција, на -15 степени целзиусови, Огнен го дочека изгрејсонцето на покривот на Африка.
„По само три часа сон, Оги на полноќ тргна на -15 степени целзиусови и утрото го дочека раѓањето на сонцето над црниот континент како нов најмлад владетел на Африка на својот трон на висина од 5.895 метри“ – напиша Зоран.
Огнен планинари од 3-годишна возраст, а љубовта кон планините, природата и географијата ги доби од родителите.
Смелото момче го сруши рекордот поставен од Колтон Танер од Ново Мексико, кој го освои Килиманџаро на 6-годишна возраст. Бидејќи во рекордите се сметаат само годините на децата, а не и нивните месеци, речиси е невозможно да се сруши рекордот на Огнен. Кога некое дете би се обидело да го сруши рекордот, тоа треба да го направи на 4-годишна возраст, што според експертите е невозможно.
„Прочитавме на интернет за 6-годишно дете од Америка, кое го освои покривот на Африка. Гледајќи снимки од тоа дете сфативме дека нашиот син со српска крв има подобри предиспозиции. Желбата за освојување на Килиманџаро растеше секој ден, а ние трениравме и трениравме поради здравје и љубов кон природата. На крајот одлучивме, затоа што сфативме дека навистина го можеме тоа“ – рекла мајката Катерина.
