Време е да се стави СТОП на сексуалното малтретирање, време е да се разоткријат сите оние кои ја злоупотребуваат моќта и настапуваат со непристојни понуди, време е да се охрабрат да прозборат и поддржат сите оние кои биле жртви.
Десетици Македонки ги споделија своите приказни или страшните искуства на нивни блиски со сексуално злоставување под хаштаговите #СегаКажувам и #TaniTregoj.
Иницијативата е инспирирана од движењето #MeToo, кое започна по разоткривањето на Харви Вајнстин како сексуален манијак кој малтретирал бројни актерки. Шокантниот скандал направи „земјотрес“ не само во Холивуд, туку и во многу други индустрии, па непрекинато се зголемува бројот на жени и мажи кои отворено раскажуваат за сексуално вознемирување, па дури и за силувања и јавно ги посочуваат виновниците.
