Брачен пар од Тексас посвои четири братчиња и една сестричка кои биле привремено згрижени во различни домови, за сега тие конечно да можат да живеат под ист покрив.
Енди и Томас Бонура, кои веќе имаат три свои биолошки деца, отсекогаш сакале да имаат големо семејство, па во 2017 година го посвоиле бебенцето Брајсон.
Откако дознале дека Брајсон има уште три браќа и една сестра и сите се разделени на различни страни, веднаш одлучиле да ги посвојат сите.
Нивната битка да им овозможат заеднички дом на сите траела три години.
На 8 мај оваа година, документацијата беше финализирана и тие официјално станаа едно семејство. „Прекрасно е да имаш 8 деца. Секое едно од нив е неверојатно љубезно и грижливо со специјален карактер. За нас е награда да ги гледаме нивните мали срца како растат и заздравуваат“ – изјавила Енди.
„Овие скапоцени деца се толку невини и очајни за љубов. Најубаво е чувството да се отвориш и да ги сакаш со сето срце и комплетно безусловно“ – вели мајката.
Енди и Томас се во брак 15 години, но најпрво имале проблеми да зачнат по природен пат. Сега тие имаат две биолошки ќерки и еден син, чија сестра-близначка починала по раѓањето. Момчето сега има 11 години и има церебрална парализа.
Сите нивни деца се родиле предвреме, па поради тоа докторите ги советувале да не се обидуваат да имаат други биолошки деца.
„Ние одлучивме дека ќе посвоиме долго време пред да добиеме деца. Тоа отсекогаш ни беше во срцата. Откако ги добивме трите деца, докторите ни рекоа дека поради здравстени причини не треба да се обидуваме да имаме повеќе биолошки деца. Но, ние отсекогаш сонувавме да имаме големо семејство“ – велат добродушните родители.
