Квин Вотерс е мал борец, кој води тешка битка со рак, но секојдневно добива позитивна поддршка од неговите сограѓани со големи срца.
3-годишното детенце од Масачусетс поминало низ операција, со која докторите успеале да отстранат 95% од туморот на мозокот, трансплантација на матични клетки и хемотерапија, а сите тие медицински интервенции го ослабнале неговиот имунолошки систем и сега тој е во тотална изолација во неговиот дом.
За да му го разубават животот на храброто детенце, многумина секојдневно наминуваат под неговиот прозорец и го забавуваат со своите таленти. Полициските службеници поминуваат по улицата со вклучени сирени, пејачите изведуваат песни, некои жонглираат, а други го засмејуваат со приказни, танц и костими...
„Од никој немам побарано да го посети, тие го прават тоа од љубов кон Квин и поради нивните добри срца. Ваквите работи му помагаат да помине низ денот, зашто тој буквално е заглавен во куќата, а за тригодишник, тоа е тешко“ – изјавила мајката.
„Вчера бевме благословени на прозорецот со посетата на Сијара Конел, која се бори со истиот рак како и Квини“ – напишаа родителите на Facebook и споделија видео од настапот на смелата Сијара.
Ако сè е во најдобар ред, Квин ќе може да излезе од дома на крајот на месецов.
