Штип ја започна макфестовската приказна за 2026 година со вечер посветена на новите музички имиња. На сцената во Домот на културата „Ацо Шопов“, 15 изведувачи и музички состави ги претставија своите песни, внесувајќи различни гласови и стилови во програмата на 41-вото издание на „Макфест“.
Дебитантската вечер, која се одржа на 30 октомври, ја водеа Марјана Станојковска и Димитар Атанасовски. Познатиот водителски тандем ја водеше публиката низ фестивалската програма, во која главното место им припадна на музичарите кои отвораат ново поглавје во кариерите.
Со свои композиции настапија Анастасија Спасевска, Драгана Јовановска, Девана, Kaly и Гоки, Санела Шукриевска, Ненад Вржалски, „Три пати на ден“, Дорис Ди, „Арте-Факт“, ANNA, Доно, Тамара Грујеска, Теа Златева, Марија Наумоска и Елена Наумова.
Специјално место на сцената доби Антониа Гиговска, која со изведби на познати хитови ја надополни фестивалската програма.
Погледнете ја галеријата од дебитантската вечер на „Макфест“:
Фото: Тоши Трајчев, Дејан Коцев / Femina.mk