„Лука да не те нервира, брчки да не се напраиш“: Тијана Дапчевиќ и Катарина Ивановска со роденденски честитки за Тамара Тодевска

Тамара Тодевска денес го слави својот 41-ви роденден. А сосем очекувано, нејзините најблиски не пропуштија да ѝ упатат честитки на специјалниот ден.

Тијана Дапчевиќ на оригинален и духовит начин ѝ го честиташе роденденот на својата помлада сестра. Споделувајќи фотографија од детството, Тијана малку да се пошегува со неа.

„Љубавкици моја, да скокаш од среќа и пукаш од здравје. Да се смееш, да сјаеш, Лука да не те нервира, брчки да не се напраиш. Те сакам до крајот на светот“ – стои во нејзината порака.

Тијана објави и видео:

На честитките се придружи и Катарина Ивановска, која е долгогодишна и многу блиска пријателка на Тамара. Популарниот модел сподели фотографија од момент на разубавување со Тамара и напиша: „Среќен роденден Тамарче. Секогаш да си немирна ко ветер“.

И партнерот на Тамара, Лука Радовиќ, објави фотографии и порака за да ѝ го честита роденденот.