Од венчавка на избори: Младенци од Србија отидоа да гласаат на денот на свадбата, добија аплауз и предност во редицата

Несекојдневна сцена го одбележа изборниот ден во Србија.

Млад брачен пар пристигна на гласачко место непосредно по венчавката за да го оствари своето избирачко право.

Невестата носеше долга бела венчаница додека младоженецот беше облечен во елегантно одело. Присутните граѓани ги пречекаа со овации и громогласен аплауз, а оние кои чекаа во редицата веднаш им отстапија место.

Снимката од оваа несекојдневна посета на избирачкото место брзо се прошири на социјалните мрежи.

Blok 70 https://t.co/3TRx3HN5q9

— Vuk Cvijovic (@Cvijovic) October 25, 2026

Слична случка имаше и кај нас во октомври минатата година, кога Сандра Матеска од Скопје отиде да гласа во невестинско издание.

По речиси две години протести и барања за промени, на парламентарните избори победи студентското движење „Студентите победуваат“, што се доживува како историски момент во Србија. Илјадници граѓани излегоа на улиците за да ја прослават изборната победа, гледајќи ја како надеж за поинаква иднина на земјата.