Љубов, дружби и урбан шмек: Катарина Ивановска со саканиот Стефан Ханџиски ужива во Берлин

Катарина Ивановска уживаше во пролетниот шарм на Берлин заедно со својот партнер Стефан Ханџиски. Македонскиот супермодел сподели серија фотографии од нивното заедничко патување, откривајќи дел од атмосферата и модните комбинации кои ги носеше низ германската престолнина.

Малиот Instagram албум открива дека парот си резервира неколку денови за вистинско впивање на духот на Берлин. Нивната мапа за истражување ги однесе до култната Бранденбуршка порта, како и до импозантниот Меморијал на убиените Евреи во Европа, локации кои потсетуваат на комплексното минато, вградено во модерното ткиво на градот.

За многуте прошетки и дружби со пријатели, македонската убавица избра минималистички и удобни парчиња кои беспрекорно се вклопуваат во препознатливата берлинска „street style“ естетика.

Пред ова патување, Катарина беше во Рим заедно со нејзините деца Вања и Кира, за кои зборуваше и во интервју за Фемина.