Катарина Ивановска сподели фотографии од авантурата во Рим со децата и партнерот Стефан Ханџиски

Одвреме-навреме Катарина Ивановска им дозволува на фановите да фрлат поглед во нејзиниот личен живот.

Викендов, македонскиот модел сподели албум со фотографии на кои покажува како изгледале нејзините денови во изминатиот период. Меѓу нив има и кадри од нејзиното патување во Рим со двете деца Кира и Вања, како и со партнерот Стефан Ханџиски.

Рим со нив, смеа со другарките, и малку време за мене 🤍 – напиша таа во описот на албумот.

Катарина ги има двете деца од врската со поранешниот партнер Цобе. Неодамна, во интервју за Фемина, таа откри дека мајчинството многу ја промени како личност и дека преку него научи што е безусловна љубов.

Ме направи помека, ама и посилна. Потрпелива, ама и похрабра. Научив дека не мора да сум совршена – доволно е да сум присутна. И најмногу од сè, научив што значи безусловна љубов, нешто што не можеш да го разбереш додека не го почувствуваш – сподели Ивановска.