И Град Скопје се откажа од новогодишните прослави, средствата ќе ги донира во хуманитарни цели
Хуманоста го зафати Балканот!
Босанскиот град Какањ, неколку српски општини и Велес деновиве објавија дека се откажуваат од новогодишните прослави со цел средствата да ги пренаменат за хуманитарни цели. На овие хумани општини, денес им се придружи и Град Скопје.
Според официјално соопштение, откажана е прославата која требаше да се одржи на плоштадот „Македонија“. Износот од околу 2 милиони денари ќе биде дониран во социјални цели.
„Градот Скопје ја информира јавноста дека се откажува од дочекот на Новата 2017 година што требаше да се одржи на плоштадот Македонија. Средствата коишто беа планирани за организирање на дочекот и се во износ од околу 2 милиона денари ќе ги донира во социјални цели. Одлуката каде ќе бидат донирани средствата ќе ја донесе Советот на Град Скопје.“
„Градот Скопје веќе 10 години наназад троши минимални средства за организирање на дочекот на Новата година затоа што забавата за граѓаните ја финансираа мибилните оператори во земјава, а годинава спонзор на забавата требаше да биде Македонски Телеком“ – стои во официјално соопштение на сајтот на Град Скопје.
