Александра Јанева се породи. 31-годишната пејачка го доби првото дете со сопругот Иван Ангелов.
Среќната вест Јанева ја соопшти споделувајќи честитки на Instagram од свои блиски, а притоа откри дека бебенцето го добило името Тина.
Александра и Иван се во брак од август 2024 година. Во неодамнешно интервју за Фемина, таа сподели како дознала за бременоста и како му кажала на саканиот дека ќе стане татко:
„Првата реакција беше шок и неверување, помешано со огромна возбуда и среќа. Дознав доцна навечер преку тест за бременост и не можев да заспијам цела ноќ од целиот тој ролеркостер од емоции. Бев сама дома во Скопје, а Иван беше во Струмица по работни обврски. Сакајќи да го изненадам, му напишав честитка во која му соопштив дека ќе стане татко и по неколку часа откако ја дознав веста отидов и јас за Струмица.
Употребив бела лага дека честитката е од наш комшија во Скопје кој сака да му се заблагодари за доброто дело кое му го направил, па му ја дадов да ја прочита. Само се сврте со вкочанета насмевка на лице (се смее), ме праша дали е вистина тоа што го чита и во прегратката што следуваше почувствував дека и неговото срце лупа од возбуда.“
На професионален план, Јанева го најави новиот албум „Сестро“ од кој неодамна ја промовираше песната „Како спиеш ти“.