Александра Јанева го претстави видеотo за својот најнов проект „Сестро“. Станува збор за носечката песна на нејзиниот претстоен албум кој го слави несебичното другарство и секоја жена што подала рака во вистинскиот момент.
Музиката, аранжманот и целосната музичка продукција се дело на Лазар Цветкоски, додека моќниот и сензибилен текст го напиша Луна.
„Сестра е секоја жена што ти подала рака кога светот бил премногу бучен, секоја пријателка која ти помогнала да ја откриеш сопствената вредност. 2026 година целосно ќе ѝ ја посветам на оваа порака – ќе биде година во знакот на 'Сестро', исполнета со многу нова музика која ја слави поддршката меѓу нас“ – открива Јанева.
Режијата и монтажата на спотот се на Огнен Шапковски (Melem Production), додека за прекрасните кадри како директор на фотографија се потпишува Кристијан Теодоров. Видеото е збогатено со моќна кореографија од Dance Team Fusion, доловувајќи ја женската енергија низ движење.
Видео
„Сестро“ ќе биде дел од истоимениот албум посветен на женската солидарност кој ќе го открива етапно во текот на 2026 година.
