Фановите на Рита Морено се едногласни дека таа изгледа неверојатно. Холивудската ѕвезда блескаше со позитивност на премиерата на римејкот на „West Side Story“.
89-годишната актерка, која следниот месец ќе го прослави 90-тиот роденден, позираше во блескав црн фустан на црвениот тепих во Њујорк.
Морено глумеше во оригиналниот филм и освои Оскар во 1962 година за улогата на Анита, а во новата верзија, која е режирана од Стивен Спилберг, ќе влезе во улогата на нов лик – Валентина.
Рита е меѓу малкуте ѕвезди кои имаат освоено Оскар, Еми, Греми и Тони награди.
