ФОТО: Џенифер Лопез и Бен Афлек насмеани и среќни со децата во забавен парк

Џенифер Лопез и Бен Афлек се забавуваа со нивните деца во тематскиот парк „Universal Studios Hollywood“.

51-годишната пејачка и 48-годишниот актер, кои неодамна ја обновија врската, беа фотографирани додека уживаа возејќи се на „брод“ во вода.

Покрај славната двојка беа децата на Лопез, 13-годишните близнаци Ема и Макс, и 9-годишниот син на Афлек, Семјуел.

Лопез и Афлек беа видени и на лежерна прошетка.

Ова не е прво љубовно поглавје на парот. Лопез и Афлек се верија во 2002 година, а во 2004 година и официјално раскинаа.

По нивната разделба, Џеј Ло беше во брак со Марк Антони, а годинава ја раскина свршувачката со Алекс Родригез. Афлек пак, беше венчан со Џенифер Гарнер до 2018 година.