Второто дете на турските актери Бергузар Корел и Халит Ергенч наполни 4 години.
41-годишната ѕвезда од серијата „1001 ноќ“ му го честиташе роденденот на малиот Хан со фотографии направени по неговото раѓање и му напиша слатка порака. Корел сподели дека нејзиниот син се роди на 8 март 2020 година, непосредно пред почетокот на пандемијата.
„Се роди за 3 минути и сите нè насмеа. Оние кои те чекаа тој ден не веруваа дека си роден. Оние кои со солзи нè испратија во породилната сала и отидоа да се напијат кафе, се вратија на звукот ‘Се роди’, но овој пат од очите им течеа солзи од смеа.“
„Поминавме многу нешта заедно и покрај сите тие тешки времиња, ти дојде на овој свет како зрак радост и така растеш, душо моја.“
„Дојде со твоите радост и надеж на Меѓународниот ден на жената, последниот ден кога ги видовме нашите сакани, и ги направи сите тие осамени и затворени денови вредни за живеење. Те сакаме многу, наше прекрасно дете“ – стои меѓу другото во пораката.
Бергузар и Халит, кои сигурно ќе ги паметите како Шехерезад и Онур од серијата „1001 ноќ“, се во брак од 2009 година. Тие станаа родители во февруари 2010 година, кога го добија синот Али. Заедно имаат и ќерка, Лејла, која ја добија во ноември 2021 година.
