Родителите на Ејми Вајнхаус присуствуваа на светската премиера на биографскиот филм за нејзиниот живот, „Back To Black“.
На црвениот тепих во Лондон, Мич и Џенис повторно се обединија повеќе од 30 години по разводот. Поранешниот пар, кој се раздели во 1993 година кога Ејми имаше само 9 години, изгледаше елегантно додека позираше пред фоторепортерите.
Џенис, која страда од мултипла склероза, носеше цветен фустан и помагало за одење.
Мич и Џенис се разделија откако тој започна афера со своја колешка, со која се ожени во 1996 година. И покрај тоа, Џенис му опрости на Мич и тие заедно се обидуваа да ѝ помогнат на ќерката да се избори со зависноста од дрога и алкохол. За жал, нивните обиди не беа успешни.
Ејми почина во 2011 година од труење со алкохол. Имаше само 27 години. Таа засекогаш ќе остане запаметена по нејзината музика, пред сè по хитовите „Back to Black“ и „Rehab“.
