Моќен настап: Тамара Тодевска ја изведува „Кога те нема“ на Златна бубамара

Тамара Тодевска и оваа година настапи на сцената на „Златна бубамара на популарноста“.

Во чест на композиторот Кире Костов, кој почина во јули минатата година, 38-годишната пејачка ја изведе песната „Кога те нема“.

Нејзиниот настап го најави Игор Џамбазов.

„Кога те нема, најприсутен си тогаш. Чичко Кире вечерва ќе бидеш многу, многу присутен. Ќе се потсетиме на твоите големи хитови“ – рече македонскиот актер.

Тамара на сцената настапи во долг црн фустан. На манифестацијата во арената „Борис Трајковски“ таа беше придружувана од двете деца Хана и Дарен и партнерот Лука Радовиќ.