Викторија и Дејвид Бекам сè уште ја негуваат нивната љубов. Славниот пар го одбележа Денот на вљубените со стари фотографии од првите години од нивната врска.
„1998 година во Њујорк! И по 24 години, сè уште си мој Валентин. Фотографијата е направена на денот кога дознавме дека сум бремена со Бруклин. Те сакам Дејвид“ – напиша славната дизајнерка.
Дејвид сподели фотографија со двете најважни жени во неговиот живот - Викторија и нивната ќерка Харпер. „Среќен Валентин на моите девојки. Две прекрасни и силни жени. Харпер запомни дека тато секогаш ќе биде твојот Валентин. Ве сакам“ – стои во неговиот опис.
Викторија и Дејвид започнаа да се состануваат во 1997 година, а стапија во брак две години подоцна. Тие заедно имаат четири деца: 22-годишниот Бруклин, 19-годишниот Ромео, 16-годишниот Круз и 10-годишната Харпер.
