Барбадос се оддвои од британското кралство и стана Република.
На свечена церемонија во Бриџтаун, на чело на оваа островска држава застана претседателката Сандра Мејсон, а Ријана беше прогласена за Национален херој.
За оваа пригода, 33-годишната пејачка се појави во портокалов фустан од Bottega Veneta и со фризура со плетенки.
Наградата ѝ ја додели премиерката Миа Мотли. „Во име на благодарна нација и уште погорди луѓе, ти ја доделуваме титулата Национален херој на Барбадос. Амбасадорке Робин Ријана Фенти, продолжи да сјаеш како дијамант и да носиш гордост за твојата нација, со твоите зборови и со твоите постапки. Бог да те благослови, драга моја“ – ѝ рече таа.
На церемонијата, на која беше симнато знамето на британската монархија, присуствуваше и принцот Чарлс.