Семејството на Кристијано Роналдо и Џорџина Родригез ќе се прошири за два нови члена. Познатиот пар сподели дека очекува близначиња.
„Со задоволство ви соопштуваме дека очекуваме близнаци. Нашите срца се полни со љубов – едвај чекаме да ве запознаеме“ – напишаа тие на социјалните мрежи и споделија фотографии со снимките од преглед со ултразвук.
Роналдо позираше и со децата во базен и сите покажуваа по два прстa, укажувајќи на бројот на неродените бебенца.
36-годишниот фудбалер и 27-годишниот модел веќе се родители на четири деца, од кои само 3-годишната Алана Мартина е нивно заедничко дете. Четиригодишните близначиња Ева и Матео беа родени со помош на сурогат-мајка, додека идентитетот на мајката на 11-годишниот Кристијано Џуниор никогаш не беше откриен.
Големото семејство редовно ги радува фановите со весели фотографии на Instagram.