Кетрин Зета-Џонс од првиот ред ја проследи ревијата на Мајкл Корс на Њујоршката недела на модата. 47-годишната актерка беше придружувана од 14-годишната ќерка Карис.
Пред фоторепортерите, холивудската ѕвезда позираше во црн фустан од колекцијата pre-fall 2017 на популарниот дизајнер, додека нејзината ќерка носеше жолто цветно здолниште од есенската колекција на Корс.
Многумина не пропуштија да искоментираат дека Карис е копија на својата славна мајка кога била тинејџерка.
Кетрин и Карис позираа и со Мајкл Корс, Наоми Вотс и Никол Кидман.
На ревијата дефилираа врвни модели како Бела Хадид, Кендал Џенер, Џоан Смолс и Кејт Аптон.