Зоран Љутков и неговата сопруга Маја беа меѓу познатите парови кои присуствуваа на свеченото отворање на 47-мото издание на ИФФК „Браќа Манаки“ во Битола.
Актерската двојка зачекори на црвениот тепих држејќи се за рака, а Маја привлече внимание со отмено издание во кое класичната елеганција беше збогатена со благородна ззелена нијанса.
Истакнатата актерка носеше долга сатенска сукња со висок струк и раскошен волумен, чиј мек пад ѝ даваше грациозно движење на силуетата. Смарагдно-зелената нијанса беше комбинирана со црна кошула со суптилен сјај и V-деколте, создавајќи префинета игра на две заситени тоналности.
Покрај неа, Љутков се одлучи за костум со сатенски ревери и црна кошула, усогласувајќи се со елегантниот тон на сопругата.
Двојката позираше на црвениот тепих и со Гораст Цветковски и неговата партнерка.
Зоран и Маја се родители на две ќерки, Галена и Сирма, кои минатата година беа гостинки на затворањето на Фестивалот во Битола.
Фото: Ивона Кочов, Александар Василевски / Femina.mk