Златна бубамара: Тамара Тодевска е Пејачка на годината, а ја освои и наградата Хит на годината за „Proud“
Тамара Тодевска се закити со две награди на 23-тото издание на „Златна бубамара на популарноста“.
34-годишната пејачка ги доби статуетките за Пејачка на годината и Хит на годината за „Proud“.
Македонската музичка ѕвезда, облечена во црна комбинација од дизајнерката Јелена Филиповиќ, настапи на сцената со евровизискиот хит. Таа не можеше да си ги задржи солзите откако доби громогласен аплауз по изведбата на моќната песна.
ФОТО: Александар Буневски / Femina.mk
„Најголемо благодарам за сите што веруваат во мене. Овие две награди немаше да бидат возможни без вашата несебична поддршка. Да се сакаме и да си се гордееме сите. Ве сакам“ - напиша Тамара.