„Животот со тебе е ролеркостер, но приказна што вреди да се живее“: Сопругата на Борко Ристовски му честиташе 44. роденден
Борко Ристовски наполни 44 години.
Министерот за спорт и поранешен ракометен голман го прослави роденденот во интимна атмосфера со сопругата Нина и двете деца Душан и Анастасија.
Неговата сопруга му посвети емотивна роденденска честитка во која го опиша како борец, шампион, прекрасен татко и човек со голема душа, откривајќи ја и љубовта која стои зад нивната заедничка животна приказна.
„СРЕЌЕН 😘44 години исклучителен живот ❤️ на борец, шампион и вистинска жива легенда. Човек од кој сум научила многу и на кој никогаш не сум престанала да му се восхитувам. Животот со тебе е вистински ролеркостер, но приказна што вреди да се живее. ❤️ Од сите твои победи, најголемата е тоа што си прекрасен татко, а за мене секогаш ќе биде гордост што си мој сопруг.
Ти благодарам што никогаш не не разочара и што остана шампион во се што правиш, на теренот и надвор од него❤️🥂 секој што вистински те познава знае дека зад сите успеси стои една голема, добра душа, дете во срцето и човек со чесни намери. Многу си сакан 🥂“ - стои во нејзината порака.
Борко и Нина пред неколку дена прославија 10-годишнина од нивната врска. Тие склучија граѓански брак на 29 јануари 2018 година, а истата година го добија синот Душан. На почетокот на 2023 година нивното семејство се прошири со ќеркичката Анастасија.
