Со нежна прегратка и зборови исполнети со љубов, Борко Ристовски и неговата сакана Нина одбележаа десет години заедно. Парот објави фотографија на која се прегрнува пред букет цвеќе, а министерот за спорт ја надополни со емотивна посвета за заедничкиот живот.
Во пораката тој се осврна на радостите, но и на помалку убавите моменти низ кои поминале, истакнувајќи дека секогаш биле еден покрај друг. Посебни зборови ѝ посвети на Нина за нивните две деца, Душан и Анастасија.
„10 години заедно 🎉 10 години исполнети со радост, среќа, убави моменти… помалку убави. Меѓутоа, без разлика на сè, бевме еден покрај друг и секогаш лојална поддршка! Моменти во кои ми ги подари Душан и Анастасија и затоа секогаш ќе бидам тука за тебе! Нека овие 10 години се само почеток на уште поубави моменти во кои ќе растеме како личности! Те сакам 😍“ – напиша тој.
Борко и Нина стапија во брак на почетокот на 2018 година. Истата година го добија синот Душан, а на почетокот на 2023 година им се роди ќеркичката Анастасија.
