Зендаја е доследна на тематското стилизирање кога ги промовира своите филмски проекти. Откако го финишираше модниот маратон посветен на „Спајдермен“, популарната актерка ја пренасочи инспирацијата кон нејзината улога на божицата Атена во „The Odyssey“.
На светската премиера на најновото филмско остварување на Кристофер Нолан, 29-годишната ѕвезда зачекори во бела креација од Скијапарели. Со белиот корсет потсетуваше на статуа, а со фризурата со лежерна плетенка ја потенцираше асоцијацијата со изгледот на грчките божици.
За време на свеченоста во Лондон, Зендаја се пресоблече во нежен фустан во зелени нијанси од Валентино.
„The Odyssey“ има ѕвездена екипа. Покрај Зендаја, глумат и нејзиниот сопруг Том Холанд, како и Мет Дејмон, Ен Хетавеј, Лупита Нионго, Роберт Патинсон и Шарлиз Терон.