Впечатливо дуо: Врчак се врати на „Макфест“ по повеќегодишна пауза со „Сонце по дожд“ со Симона Поповска

Раде Врчаковски-Врчак се врати на фестивалската сцена на „Макфест“ по повеќегодишна пауза, а на манифестацијата во Штип му се придружи Симона Поповска.

Заедно ја изведоа новата песна „Сонце по дожд“, со која беа дел од финалната вечер на 41-вото издание на фестивалот. Нивната соработка донесе нов дует пред макфестовската публика, а за обожавателите на Врчак и можност да го видат на сцената на која има настапувано многупати во минатото.

И покрај очигледните проблеми со микрофонот, познатиот рапер го доврши настапот.
 

Видео

Врчак за првпат настапи на „Макфест“ во 2002 година со песната „Ден по ден“ со Адријана Јаневска, а потоа имаше макфестовски дуети и со Тамара Тодевска, Адријан Гаџа и ДНК.

И Симона има историја со штипската сцена. Минатата година таа одушеви со емотивната балада „Не ми доаѓаш“, во 2024 ја слушнавме со „Без тебе“, а претходно и со „Бакни ме за крај“.

Фото: Дејан Коцев / Femina.mk