Цеце Николова мамеше погледи како гостинка на свадба.
Македонската водителка изгледаше атрактивно во црна креација со чипка која ѝ ја истакна витката фигура.
Таа сподели фотографии на својот Instagram профил, а во коментарите се редеа комплименти од нејзините следбеници.
„Вистински феникс“ – ѝ напиша Лоба, која деновиве ја објави својата песна „Феникс“.
Цеце отворено зборува за своето искуство со алопецијата за да ги инспирира луѓето да се прифаќаат онакви какви што се. Таа гради успешна кариера како водителка и не дозволува ништо да ѝ застане на патот.
Во неодамнешно видео насочено кон нејзината помлада верзија, таа сподели како решила да ја извади периката од главата и да се покаже пред светот во својата вистинска верзија.
„Едно сабајле станав и решив дека не можам повеќе да се кријам. Се изморив...
А како ќе реагираш ти ако ти кажам дека постојано сум на јавни настани и сум мотиватор и зборувам за нашата борба.
Го живееш сонот, работиш како водител и луѓето те обожаваат.
Никогаш не сум била посреќна – рече Николова и додаде дека иако луѓето знаат честопати да гледаат во неа, тоа не го прават со лоши намери, туку со восхит.
Луѓето се љубопитни, ама ќе се навикнеш на погледите. Не се со сожалување, туку со восхит“ – рече таа.