Викторија Лоба на скијање со сопругот Ѓорги од каде испрати силна порака за нереалните стандарди

Викторија Лоба се релаксира на планина.

37-годишната македонска пејачка сподели фотографии од зимувањето со сопругот Ѓорги. Убавата музичарка, која обожава скијање, не пропушти да ги проба совршените ски патеки и со саканиот се насладуваше на вкусни специјалитети.

Лоба сподели моќна порака дека не треба да слепо да се следат нереалните стандарди кои се поставуваат на социјалните мрежи, бидејќи секоја од нас е „своја единствена, неповторлива и неспоредлива“.

Еве ја нејзината порака:

Кога бевме деца, не знаевме што е споредба. Имавме игра, живот и важни работи, а не туѓи животи за анализирање.

Денес? Го земаш телефонот наутро, напладне, навечер… и несвесно се споредуваш со цел свет одеднаш.

Не со комшијата. Не со „совршената“ ќерка на другарката на мама, туку со мини вселени како инфлуенсери, блогери, нови ѕвезди итн. 

И сите нешто трчаат, заработуваат, патуваат, медитираат, учат, готват, успеваат.

А во глава ти никнуваат мисли: „Не сум доволно добра”, “каснам” и др. глупости.

И не, ова не е за завист. Ова се нереалните стандарди и човештвото ставено во маратон без пауза.

Понекогаш дури и кога сакаш да застанеш тоа ти изгледа страшно, како една пауза да ќе те фрли неколку чекори наназад. 

Ама не е така.

Пауза не е слабост. Паузата е рестарт.

Најголемиот напредок доаѓа кога гледаш внатре, кога слушаш што ТИ реално сакаш, а не што алгоритмот сервира.

Во овој свет веќе постои една Хајли Бибер и една Бејонсе.

А ти си своја единствена, неповторлива и неспоредлива. Е ова сакав да ти го кажам.

Секоја зима, Викторија не пропушта да посети некој од популарните скијачки центри. Минатата година, таа беше во Италија и Швајцарија.