На Велики четврток, кога во секое домаќинство се бојадисуваат јајца, Викторија Лоба го испроба виралниот тренд со масло кој ги освојува социјалните мрежи, создавајќи дамчест ефект врз лушпата.
Техниката е брза и едноставна: ладните, веќе сварени јајца се премачкуваат со масло, по што се потопуваат во топла вода со прехранбена боја и две лажици оцет.
„Не планирав… ама трендов победи. Бонус розеви прсти како доказ дека се вложив 100%. Кажи ми искрено дали си тим традиционално црвени или ќе експериментираш годинава?“ – напиша таа во описот на видеото каде го сподели целиот процес.
Резултатот се јајца со елегантен и впечатлив изглед, со нежни дамки кои му даваат посебен шарм на секое од нив. Освен привлечната естетика, едноставноста на овој хит-метод го прави неодолив за секој кој сака да внесе свежина на празничната трпеза.