„Ти си ангел кој го направи овој свет посреќно место“: Познатите личности се збогуваат со неповторливата Доли Партон
Доли Партон го напушти овој свет, но нејзината уметност и спомените за неа засекогаш ќе живеат во срцата на оние кои ја познаваа и сакаа.
Веста за нејзината смрт со длабока тага ја примија милиони обожаватели, но и бројни познати личности кои од неа имаат незаборавни спомени. Од музички ѕвезди до актери и политичари, сите во своите емотивни пораки се потсетија на нејзината исклучителна добрина, на хуморот и на огромното срце.
Доналд Трамп
Со голема тага известувам дека Доли Партон, една од најголемите кантри-пејачки, но и многу повеќе од тоа, која некогаш постоела, штотуку почина. Ова е огромна загуба за милиони луѓе. Никогаш немало некој како неа, а никогаш повеќе и нема да има.
Во нејзина чест, наредувам американското знаме низ Соединетите Американски Држави да биде спуштено на половина копје во период од една недела, почнувајќи од вечерва во 18 часот.
Почивај во мир, Доли! Целиот свет те сака.
Селин Дион
Доли... ти беше чиста светлина, со добро срце и несебичен дух. Сега ќе ни недостига еден од најрадосните гласови што светот некогаш ги познавал.
Ти благодарам за музиката, смеата и љубовта што ни ги подари на сите. Засекогаш ќе те сакаме.
Почивај во мир, Доли.
Бијонсе
Доли, ти беше барометар. Северната ѕвезда. Храбра и брилијантна. Талентирана и истрајна. Ти научи толку многу луѓе како да бидат уникатни. Благодарна сум за твојата уметност, твоето срце, твојата великодушност, твојот хумор и твојот претприемачки дух... Ти си ангел кој го направи овој свет посреќно место благодарение на твојата радосна уметност. Ти навистина си единствена. Почивај во мир.
Џејн Фонда
Скршена сум од болка. Штотуку дознав дека Доли си заминала. Знам дека милиони луѓе тагуваат и сакам да го кажам ова: повеќе од кој било друг кој некогаш сум го познавала, Доли засекогаш ќе биде со нас, затоа што беше толку присутна, моќна, несебична и разиграна што засекогаш е вткаена во нашите животи и срца.
Ги имаме спомените со неа, нејзините песни, Доливуд, „9 to 5“, милионите книги кои им ги стави в раце на децата, сите иконски фотографии и моменти кои ја враќаат пред нашите очи. И сето тоа се благослови. Да бидеме благодарни за сè што ни остави, за да ни ја ублажи тагата сега.
Никогаш не познавав некој како неа...
Почивај во мир, прекрасна жено. Те сакаме. ❤️
Опра
Еден од моите најубави спомени со Доли Партон: се забавувавме и се смеевме од срце, облечени во креации на Боб Меки, во нејзината емисија „Dolly“.
Оваа девојка сонувала за живот, а потоа живеела живот поголем отколку што некогаш можела да замисли... Никој не беше како неа. Таа ја носеше светлината, а сите ние сме подобри затоа што таа беше дел од овој свет.
Бог да те благослови, Доли – ти ги заслужи своите крилја. 🪽
Мајкл Корс
Срцето ми се скрши кога ја слушнав тажната вест за смртта на Доли Партон. Нејзината музика и нејзиниот дух го исполнија мојот живот, како и животите на милиони луѓе, со толку многу радост и љубов.
Таа беше врвен раскажувач на приказни. Вистинска американска хероина која никогаш не ја изгуби смислата за хумор, ниту своето големо срце.
Нејзиното наследство ќе живее засекогаш. 💔
Почивај во мир, Доли.
Џими Фелон
Имав среќа да ја познавам и да работам со единствената и неповторлива Доли Партон. Таа беше феноменална гостинка во емисијата: секогаш духовита и секогаш правеше секој кој ќе го сретнеше да се чувствува како милион долари.
Заедно пеевме дуети, се смеевме и танцувавме низ Доливуд, во Смоки Маунтинс, во Пиџен Форџ. И покрај сето тоа, секогаш чувствував пеперутки во стомакот само што ќе се најдев во нејзино присуство.
И токму на тоа помислувам кога ќе помислам на Доли. Таа е пеперутка. Прекрасна. Магична. Како од сон. И, како повеќето пеперутки, остануваат само за миг – ве пленат, ве фасцинираат, ве маѓепсуваат, а потоа одлетуваат многу прерано.
Те сакам, Доли. Секогаш ќе ми недостигаш. ❤️
Кети Пери
Како и на остатокот од светот, и мене ми се скрши срцето кога ја видов веста за смртта на драгата Доли. Таа им значеше премногу на многу луѓе и тоа со децении.
За мене, беше пример за жена која со децении им пркосеше на стереотипите....
Нејзината ѕвезда засекогаш ќе свети силно, а се обложувам дека веќе ги преуредува бисерните небесни порти со светкави камења.
Секогаш ќе те сакаме, Доли! ❤️
Ен Хетавеј
Доли 💔
Ох... Рајот штотуку си врати една од своите.
Таа ни остави толку многу нешта со кои можеме да продолжиме. Со нас сподели толку многу мелодии, толку многу стихови, приказни, шеги, смеа, незаборавни настапи, но пред сè, толку многу прекрасни примери за тоа како да се биде вистинско богатство за човештвото.
Заслужува да почива во мир, а сега на нас е да дадеме сè од себе и да чекориме по нејзините брилијантни, преслатки, единствени и со сјај украсени стапки, за и понатаму да ја чувствуваме таа магија во нашиот свет.
Доли, отсекогаш си била еден од моите ангели. Секогаш ќе те сакам.
Селма Блер
Претпоставувам дека сите посакувавме Доли Партон да живее засекогаш, верувајќи дека таа ќе продолжи да ни ги смирува срцата до последниот здив.
Таа беше олицетворение на извонредноста: во својата природа, во скромноста, во успехот и во несебичното давање на себе, повеќе отколку што би можел еден обичен човек. Ништо кај Доли Партон не беше обично. 💛
Нека нејзиното сеќавање засекогаш биде благослов. А кога деновите ќе бидат мрачни, особено тогаш да се обидеме да ја пронајдеме Доли во себе.
Таа ми беше хероина низ целиот мој живот. Ти благодарам што ни покажа како се води со личен пример 🕊️
И, Боже, ти благодарам за нејзините песни. За нејзиниот глас. 💛
Сабрина Карпентер
Ох, Доли 💔
Единствено што можев да кажам кога првпат се запознавме беше: „Таа навистина е ангел кој чекори по Земјата“ и „Изгледаме како да би можеле да бидеме сестри!“
Ќе се грижам за споменот на нашата смеа и разговорите и ќе ја чувам твојата мудрост, твојот разигран поглед кон животот и совршеното чувство за хумор во својот џеб за дождливите денови.
Никогаш повеќе нема да има некој како тебе и колку сме само среќни што сите ја почувствувавме твојата единствена магија, како и твојот неповторлив глас, песните и огромното срце.
Твојата светлина ќе биде нешто што светот засекогаш ќе се обидува повторно да го пронајде. 🦋🦋🦋
Секогаш ќе те сакам. ❤️
Кејт Хадсон
Па, срцата штотуку ни се скршија кога ја слушнавме оваа вест. Доли беше светлина во овој свет. ✨ Каков неверојатен живот живееше и каков бесценет дар ни подари на сите.
За мене, таа го претставуваше најдоброто од она што значи да се биде уметник. Таа разбираше дека уметноста не е само изразување на себеси. Таа е и начин да допреш до другите, да ги поврзеш луѓето и да направиш да се чувствуваат помалку осамени.
Нејзината радост беше несебична. Не беше наивна. Беше родена од истрајност, храброст и отворено срце. Сè што ѝ подари животот, таа го претвори во музика, смеа, добрина и љубов. ❤️
Како уметник, ме потсетуваше зошто воопшто го правиме ова. Не само за да создадеме нешто, туку за да се поврземе. Да дадеме дел од себе. Да ги исполниме срцата на луѓето и, ако имаме среќа, да му оставиме на светот малку повеќе радост и љубов отколку што сме затекнале.
Каков живот. Каков дух. Какво наследство.
Ти благодариме, Доли, што ни покажа колку моќна може да биде радоста. 🕊️