„Тешко е и болно“: Се огласи изневерената девојка на Олимпиецот кој на ТВ го призна неверството

Кога довербата еднаш ќе се скрши, тешко може да се обнови, а доказ за тоа е љубовната приказна на норвешкиот биатлонец Стурла Холм Легрејд.

Откако 28-годишниот Олимпиец на ТВ пред целиот свет призна дека ја изневери својата девојка, надевајќи се на уште една шанса, сега се огласи и неговата повредена поранешна партнерка.

Во кратка изјава за норвешкиот весник VG, девојката која сакала да остане анонимна, порача дека јавната декларација на љубов не ја брише болката од предавството.

„Дури и по изјава за љубов пред целиот свет, тешко е да се прости. Не избрав да бидам ставена во оваа позиција и боли што морам да поминувам низ ова“ – рече таа.

Девојката додаде дека тие имале контакт и дека Легрејд е свесен за нејзиниот став, но јасно стави до знаење дека работите не се така едноставни како што можеби тој се надевал. Воедно, им се заблагодари на семејството и пријателите за поддршката, како и на луѓето кои мислеле на неа и ја поддржале без воопшто да знаат која е.

Она што требаше да биде момент на спортска слава се претвори во лична драма кога Стурла, по освојувањето на бронзениот медал на ЗОИ, наместо да зборува за успехот, призна дека ја изневерил својата девојка.

Тој јавно ѝ изјави љубов, велејќи дека „имал златен медал во својот живот“, надевајќи се дека ќе успее да ја врати.

Но, наместо филмски пресврт, следуваше трезвена и болна реалност. Засега, љубовната приказна на Олимпиецот нема „среќен крај“.